Pas gjetjes së bashkëshortëve Tata të pajetë brenda baneses së tyre, si pasojë e asfiksisë nga rrjedhja e gazit, policia po heton në disa pista, duke mos e përjashtuar edhe mundësinë e një vetëvrasjeje.
Burime për “Panorama” nga grupi i hetimit kanë bërë me dije se një nga pistat që po hetohet është edhe ajo e një vdekjeje jo aksidentale.
Dyshohet se gazin një nga bashkëshortët, fëmijët e të cilëve janë në Itali, ta ketë lënë hapur qëllimisht, por kjo mbetet ende në fazën e hetimit.
BW raporton se ka qenë gruaja ajo që e ka lënë hapur gazin, për t’i dhënë fund jetës, pas problemeve që kanë pasur, pasi thuhet se bashkëshorti ka qenë i alkoolizuar dhe familja jetonte në varfëri të madhe. Mësohet se mbesën e tyre gruaja e kishte cuar te fqinja.
Sipas TvKlan, Rrok dhe Prena Tata janë me origjinë nga Shkodra dhe prej 25 vitesh jetonin në qytetin e Vlorës. Ata janë gjendur afër njëri-tjetrit, burri i shtrirë në divan dhe gruaja në ulur në kolltuk duke ndjekur televizor. Çifti Tata jetonte së bashku me mbesën e tyre 8-vjeçare, por mbrëmjen e të enjtes, ata e kishin larguar, duke e çuar që të flinte te një fqinj.
