Kur na ndajnë edhe disa muaj nga zgjedhjet lokale të vitit 2019, publikohen për herë të parë kriteret mbi procedurat se si do të përzgjidhen kandidatët e PS për Këshillat Bashkiakë.
Materialet në fjalë iu janë shpërndarë anëtarëve të Asamblesë Kombëtare të PS-së, e cila po mbahet ditën e sotme.
KRITERET
1-Të plotësohen kërkesash e përcaktuara në Kushtetutë, në kodin Zgjedhor të Republikës së Shqipërisë dhe në kërkesat e Statutit të PS (Nenet 52-52)
2-Të kenë kontribut e angazhim politik dhe të kenë njohuri për programin e politikat e PS në nivel kombëtar dhe vendor
3-Të kenë arsim të lartë, të zotërojnë aftësi të spikatura profesionale, dhe menazhuese
4-Të gëzojnë reputacion dhe të kenë mbështetje të gjerë në komunitet, të jenë aktiv dhe të angazhuar për të njohur, ndjekur e zgjidhur problemet e komunitetit
5-Të kenë njohuri mbi organizimin dhe funksionimin e pushtetit vendor, aftësi drejtuese, organizuese, e të punës në ekip, të zotërojnë eksperiencë për menaxhimin e burimeve njerëzore e materiale
6-Të kenë integritet moral dhe kurajo civile për të luftuar korrupsionin, abuzimet me pushtetin dhe shkeljet me ligjin
