Një protestë studentore po zhvillohet, ku studentë të universiteteve publike po marshojnë nga Korpusi drejt Kryeministrisë. Studentët kërkojnë përgjysmimin e tarifave të studimit. Një protetues ka thënë se Ministria nuk i merr fare parasysh kërkesat dhe shqetësimet e tyre. Fakuleteti i Gjeologjisë ndodhet në kushte primitive.
Me pankarta në duart, studentët kanë akuzuar qeverinë dhe ministrinë e Arsimit për politikat që ndjek, duke nisur nga tarifat e larta të shkollimit si dhe mungesën e infrastrukturës. Një nga organizatorët e kësaj proteste pohoi se kushtet në fakultete janë të këqija, ndërsa mes tyre përmendi fakultetin e Gjeologji-Minierave, që e krahasoi me një minierë.
Thirrjet e studentëve kundër tarifave vazhdojnë para Korpusit:
Posted by Për Universitetin on Wednesday, January 24, 2018
“Ne – studentë, pedagogë e qytetarë në mbrojtje të së drejtës për arsim – përmes këtij aksioni simbolik: u bëjmë thirrje të gjithë studentëve e qytetarëve të bashkohen në protestën e ditës së mërkurë për uljen e tarifave, haraçeve e gjobave të padrejta.
Këtu duhej të ishte ministria që duhej të kujdesej për arsimimin cilësor të të gjithëve, mbështetur në Kushtetutë, në bazë të meritës.
Por jo:
Kjo ministri në 20 vite është kujdesur të rrisë tarifat – duke i bërë të papërballueshme, e të padrejta;
Kjo është ministri që shpik certifikime private gjuhësh – haraçe, për përfitime private;
Kjo ministri që vendos gjoba për studentët e masterit – gjoba, studentëve që për të ndjekur studimet u duhet të punojnë 7 ditë në javë.
Kjo nuk është ministri arsimi, por ministri çarsimi! Kjo nuk është ministria e studentëve!
Kjo nuk është ministri e dijes, por ministria e taksave, haraçeve e gjobave.
Ne do protestojmë të mërkurën në orën 11, nga Korpusi te Kryeministria, që kjo ministri t’i kthehet dijes e studentëve!
Për uljen e tarifave!”
Përgatiti:AlpeNews.al
