Artur Zheji shkruan sot, se Edi Rama kërkon të bëjë ortak Lulzim Bashën për zgjedhjen e kryeprokurorit të ri.
Sipas tij, kryeprokurori i ri nuk do të ngacmojë njerëzit e Bashës.
Por, Zheji shkruan se ata do të bëjnë kurban LSI-në.
Duket se Zheji zbulon padashje edhe arsyen e sulmeve të ashpra të ditëve të fundit të LSI-së, ndaj ndërkombëtarëve.
“Reforma në Drejtësi, pamvarsisht dëshirës popullore për një drejtësi të drejtë, që qëndron përpara fakteve me një peshore në duar dhe me sytë e mbyllura, e pra, e pa ndikuar se kush janë palët në gjykim, kjo reformë pra, njeh në këtë rast, një kthim të sigurtë pas.
Për ta bërë sa më të padukshme këtë zbythje, kryeministri lyp ditë përditë bashkëpunimin e kundërshtarit politik, kryetarit të PD, që ai e kërkon si ortak, për tja hedhur të dy sëbashku, kësaj situate.
Sigurisht me kushtin që viktimat duhen gjetur te një palë e tretë, mundësisht te LSI, apo në ndonjë parti tjetër politike.
Basha duket edhe ai i tunduar, por mbas katastrofës së bashkëpunimit të Majit të kaluar, rreziku për të është shumë më i madh.
Mundet të fitojë kushte të mira, në mbrojtjen e tij dhe të rrethit të vet më të ngushtë, te figura e Prokurorit të ri të përkohshëm, por jo do të shoqërohet sigurisht me një rënie të re të popullaritetit të tij, edhe kështu si është, mjaft të diskutuar…
Dhe ketu mbetemi në kënetën e Miteve të rreme të një Drejtësie të rreme, që po gatuhet…
Dhe kur drejtësia rrangallë, fillon e ndryshon mrrokllat, krimi ngre krye edhe me fuqishëm”, shkruan Zheji./ tema
