Çfarë kanë të përbashkët “Old Town” në Jaipur, kantieret detare në Buenos Aires dhe kryeqyteti i Shqipërisë?
Janë ndër vendet që kanë më shumë ngjyra në fasadat e tyre.
Tirana qëndron mes tetë qyteteve me ngjyra më të gjalla në botë për nga fasadat e ndërtesave. Një qytet me ngjyra është më shumë sesa disa tonelata me bojë. Shpesh ndërtesat me ngjyra të gjalla janë zemra e një qyteti, janë lagje me histori.
Bo-Kaap – Cape Town, South Africa
Është një nga qytetet me diversitet më të madh etnik që gjendet nëjug të Ekuadorit, në Cape Town. Në të do të gjeni një përzierje ngjyrash, traditash dhe arkitekturash.
Santa Marta – Rio de Janeiro, Brazil
Mund të duket një ekzagjerim nëse themi se getot e Rio de Janeiro në Brazil me ngjyrat dhe kaosin që i karakterizon kanë një reputacion prej fituesi. Dyshja e artistëve Haas & Hahn janë përpjekur të realizojnë një transformim të vërtetë me projektin e tyre të guximshëm të quajur “Favela Painting”.
Tiranë, Shqipëri
Çfarë do të bënit nëse do të ishit kryebashkiaku i një qyteti të mbushur plot me ndërtesa ngjyrë gri dhe me arkitekturë të epokës komuniste? Epo, një zgjidhje mund të ishte ta bënit qytetin me të gjallë me anë të ngjyrave, gjë të cilën kryetari aktual i bashkisë së Tiranës, Erion Veliaj e ka bërë përmes street art dhe imazheve me mesazhe nëpër të gjithë Tiranën.
E në fakt kjo ishte edhe çka bëri Edi Rama(aktualisht kryeministër i vendit) në vitin 2000, kohë në të cilën ishte kryetar i Bashkisë së Tiranës, si pjesë e projektit “Pastro dhe Gjelbëro”. Ka shumë ndërtesa që janë të lyera me ato që në vend njihen si “ngjyrat e Edi Ramës” (rozë e hapur, e verdhë, e gjelbër, violë). Tirana është kthyer në një destinacion në këtë sezon për shumë turistë që vijnë për herë të parë, të cilët kanë shprehur dëshirën për t’u rikthyer sërisht.