Protesta e opozitës, e paralajmëruar pothuajse një muaj më përpara nga partitë opozitare u zhvillua sot në një interval kohor prej 5 orësh, edhe pse në fakt leja nga Policia e Shtetit ishte dhënë më shumë deri në 24:00 të natës.
Ashtu sikurse ndodh çdo herë, media ndërkombëtare I kushtojnë një vëmendje të veçantë dhunës duke e parë mëe një sy kritik dhunën që ndodh përgjatë protestës. Në artikujt e tyre dedikuar protestës së sotme i kanë vendosur theksin dhunës.
Nuk ka munguar edhe krahasimi që i kanë bërë me protestat e tjera të zhvilluara nga opozita, për të vlerësuar nivelin e dhunës, më shumë sesa kauzën që ka opozita, pasi ajo mbetet e njëjtë në çdo protestë.
Ja çfarë shkruan “Daily mail”:
Protestuesit antiqeveritarë përpiqen të rrëzojnë parlamentin.
Mbështetësit e opzitës shqiptare u përleshën me policinë gjatë përpjekjes për të sulmuar ndërtesën e parlamentit.
Protestuesit e udhëhequr nga kreu demokrat Lulzim Basha, pasi u mblodhën para parlamentit shqiptar tentuan të thyenin kordonin e policisë duke hedhur bomba tymi dhe objekte të tjera dret forcave të policisë.
Presidenti Ilir Meta, i cili është në një vizitë në Azerbajxhan, i bëri thirrje opozitës për të protestuar “në mënyrë paqësore”.
Shtetet e Bashkuara dhe Bashkimi Evropian kanë paralajmëruar opozitën kundër përdorimit ose nxitjes së dhunës dhe për t’u ulur për bisedime, pas protestave të njëpasnjëshme të opozitës.
Shqipëria shpreson të marrë miratimin e BE në qershor për nisjen e negociatave për anëtarësim.
Pjesë nga artikulli i “Washington Post”:
Mbështetës të opozitës së qendrës së djathtë, të udhëhequr nga Partia Demokratike, janë mbledhur këtë të shtunë para zyrës së kryeministrit socialist Edi Rama për të kërkuar dorëheqjen e tij”. Ndërkohë në artikull thuhet se opozita, ligjvënësit e të cilës hoqën dorë nga mandatet e tyre në parlament, refuzon të dialogojë me Edi Ramën, duke kërkuar një qeveri tranzitore për të përgatitur zgjedhje të parakohshme.
Pjesë nga artikulli i “Associated Press”:
“Ne nuk kemi asnjë alternativë tjetër përveçse të protestojmë derisa të kthejmë demokracinë dhe sundimin e ligjit”, tha Basha për The Associated Press në një intervistë përpara fillimit të tubimit.
Po ashtu dhe Deutsche Welle, ka transmeton protestën e opozitës, duke shkruar: Protesta në Tiranë: Opozita po zhvillon një marshim duke rrethuar simbolikisht institucionet. Ajo kërkon qeveri tranzitore pa Ramën kryeministër.
“Zëri i Amerikës” ka përshkruar edhe tensionet e krijuara përpara godinës së Parlamentit.
“Në Shqipëri, policia përdori gazin lotsjellës pasi një grup manifestuesish të opozitës, tentoi të çante kordonin e sigurisë në hyrje të selisë së parlamentit, ku opozita u grumbullua pas marshimit të saj rreth godinës së qeverisë.”
Përgatiti: AlpeNews.al