Kreu i qeverisë Edi Rama tha se zgjedhja e Arta Markut në postin e Kryeprokurorit të Përkohshëm është e bazuar në Kushtetutë, pasi ish-kryeprokurorit i kishte përfunduar mandati.
“Ne nuk mund të linim vendin pa Kryeprokuror sepse nuk po ecte përpara vetingu”, tha Rama.
Ai shtoi se nuk ka asnjë frikë nga asnjë dosje dhe hartimi i tyre është në dorën e Prokurorisë.
“Arta Marku nuk ka asnjë shans që të jetë prokurore e përkohshme për 2 apo 3 vjet. Ajo do të rrijë në detyrë deri në momentin që KLP do të paraqesë propozimet për Kryeprokurorin”, tha Rama.