Njerëzit që vuajnë nga çrregullimet e gjumit shpesh shprehin fjalë negative dhe ofenduese, tregon një studim i kryer në Francë.
Hulumtimi, i publikuar nga Live Science, tregon se njerëzit në ëndërr fjalën “jo” e shqiptojnë katër herë më shumë se në gjendjen e zgjuar, ndërsa sharjet i përdorin 800 herë më shpesh.
Pjesëmarrësit në studim që vuajnë nga çrregullimet e gjumit, pranuan të analizohen periudhat e gjumit, si dhe fjalorin gjatë shpërthimit në gjumë, periudha e heshtjes, vëllimi i të folurit, mirësia dhe gjuha e dhunshme.
59 për qind e tyre nuk folën kuptueshëm dhe në përgjithësi kjo ishte një murmuritje jo-verbale dhe e pakuptueshme, pëshpëritje ose qeshje.
Te të tjerët që flitnin më gjerësisht, shumica e asaj që thoshin ishte agresive. Rreth 24 për qind e fjalimit ishte negativ, 22 për qind e përdorën gjuhën fyese, dhe gati 10 për qind thanë fjalën “jo” në një formë.
Një nga fjalët më të zakonshme ishin sharja “q…n…” dhe u shfaq në 2.5 për qind të kohëzgjatjes së bisedave, ndërsa në gjendje të zgjuar është vetëm 0,0003 për qind e fjalëve që ne flasim.
Pyetja është pse ne jemi kaq negativ. Një teori, e cila e mbështet qëllimin evolucionar të ëndrrave, pretendon se ato janë vetëm simulimet që i ndihmojnë njerëzit të përgatiten për kërcënimet që mund t’iu ndodhin në të ardhmen.
Karl Bazil, drejtor i Departamentit të gjumit dhe epilepsisë në Universitetin Kolumbia, tha se rezultatet tregojnë se fjalimi gjatë gjumit është shumë më kompleks se sa pritej dhe që mbështet idenë se ekzistojnë “funksione të larta të trurit” gjatë gjitha fazave të gjumit.
