Agjencia hapësinore amerikane, NASA shënoi një tjetër rekord historik. Sonda e NASA, e quajtur ‘New Horizons’ konfirmoi në Tokë se ka fluturuar pranë një bote të akullt, të quajtur ‘Ultima Thule’.
Kontakti është realizuar rreth 6.5 miliardë km larg Tokës. Kjo bën që ky të jetë eksplorimi më i largët në Sistemin tonë Diellor, raporton BBC. Sonda ka bërë shumë vëzhgime dhe foto, që do dërgohen në Tokë.
‘New Horizons’ e dërgoi mesazhin tek një qendër antenash në Madrid. Mesazhi ka udhëtuar plot 6 orë e 8 minuta për të mbërritur nga sonda për në Tokë.
Por pse ka kaq shumë rëndësi eksplorimi i Ultima Thula?
Gjendja e këtij miniplaneti bën që të ketë kushtet ideale për të kuptuar se si është krijuar Sistemi Diellor këtu e 4.6 miliardë vjet më parë, thonë ekspertët.