Marrëveshja e arritur mbrëmjen e së premtes për reformën zgjedhore , ka pezmatuar mbështetësit e opozitës .
Kjo , pasi në fakt , ashtu siç dhe theksonte me të drejtë Edi Rama me ironi , pas tri vitesh protestash e dalje nga sistemi , opozita mori atë që kishte pasur edhe më parë , asnjë gjë më shumë .
Ndaj dhe në kampin opozitar , ka një heshtje mortore dhe askush nuk flet .
I vetmi që ka thërritur fitore ishte Ervin Salianji , po atij nuk i merret për bazë . Ajo që flet më shumë se jo që flet më shumë se çdo gjë tjetër , është heshtja e Sali Berishës . Njeriu që nuk lë pa komentuar edhe ngjarjet më periferike të politikës , heshti për marrëveshjen e arritur .
Dhe jo vetëm prej faktit se nuk i pëlqen marrëveshja , por sepse nuk e dontë një gjë të tillë . Ashtu siç nuk e donte Ilir Meta , që për hir të postit të tij si president është detyruar të bëjë një reagim për marrëveshjen , në dukje përshëndetës , por që në thelb thoshte se kjo marrëveshje nuk bën , pasi nuk garanton zgjedhje të ndershme .
Mediat e financuara prej tyre ndërkohë , e kanë anashkaluar marrëveshjen dhe janë marrë me një raport të Komisionit të Venecias , që kritikon Qeverinë e Ramës për ligjin anti – shpifje . Ato që për ditë më radhë , kanë ushtruar presion ndaj Lulzim Bashës , të mos iu bindet ndërkombëtarëve , me në krye ambasadoren amerikane
Patel 63 % dhe të mos nënshkruajë asnjë marrëveshje me Edi Ramën . Të paktën s’duhet ta bënte këtë gjë para 8 qershorit , kur jepet vendimit për hapjen e negociatave me BE – në për Shqipërinë . Tani pritet të shihet qendrimi që do të mbahet ndaj Lulzim Bashës , njeriut që ka qenë më në vështirësi se kushdo këto ditë . Kjo , pasi nga njëra anë ndodhej nën presionin e fortë të ndërkombëtarëve , që i kërkonin me ngulm nënshkrimin e marrëveshjes , dhe nga ana tjetër ndodhej në presionin e dyshes Berisha – Meta , që i kërkonin të zgjidhte mes ndërkombëtarëve dhe Ramës , dhe atyre . Basha zgjodhi diçka të ndërmjetme , për të mbajtur mirë me të dyja palët
Por , vështirë se mund të vazhdojë gjatë me këtë mënyrë .