I shumëkërkuari i Interit, tashmë duket se do të jetë pjesë e ekipit. Bëhet fjalë për Naingolan që Spaleti e ka kërkuar me ngulm. Mesfushori, i lënë jashtë nga Belgjika për Botërorin, do të mbrojë ngjyrat zikaltër sezonin e ardhshëm.
Zikaltrit kanë arritur akordin me Romën për 24 milionë euro, plus Santon dhe talentin Zaniolo. Vlera totale përllogaritet reth 40 milionë euro. Ai pritet të nënshkrojë një kontratë 4 vjeçare për 4.5 milionë euro në sezon. Inter po kërkon të ndërtojë një ekip të fuqishëm për vitin tjetër, pasi ata siguruan pjesëmarrjen në Champions.