Një 33 vjeçar shqiptar është arrestuar nga ekipet e antidrogës në Athinë, në rajonin e Atikës, pasi në taksinë e tij është gjetur kokainë. Sipas autoriteteve greke, në pranga bashkë me shqiptarin ka rënë dhe një 34 vjeçar grek, bashkëpunëtor i tij.
Të dy personat u arrestuan në një zonë të Atikës perëndimore pasditen e së hënës, 26 tetor. Gjatë një kontrolli në taksinë e drejtuar nga shqiptari 33-vjeçar, u gjetën tre pako najloni me kokainë.
Një kontroll u pasua në shtëpinë e 34-vjeçarit në Ilion ku u gjetën:
– 4 kg dhe 410 gram kokainë.
– 1 kg dhe 455 gram metamfetaminë.
– 675 euro.
– 2 shkallë elektronike precize.
– 5 celularë.
Gjithashtu u konfiskua edhe taksia e shqiptarit.
