Një 40-vjeçar nga Kosova është arrestuar në Pikën Kufitare të Vërmicës pasi u kap me 30 kg marijuanë.
F.K, vinte nga Shqipëria drejt Kosovës dhe në kontroll iu zbulua nën gomën rezervë në bagazhin e automjetit sasi e drogës.
Ai u arrestua teksa droga u sekuestrua.
“Bazuar në bashkëpunimin e Drejtorisë për hetimin e trafikimit me narkotik dhe Policisë Kufitare të Kosovës, automjeti është përzgjedhur për kontroll të vijës së dytë nën dyshimin e posedimit të substancave narkotike. Asistencë relevante për identifikimin e substancës narkotike ka ofruar edhe Policia Kufitare e Shqipërisë me ç’rast, nën rrotën rezervë në bagazh është detektuar një bunker i dyshuar”, thuhet në komunikatën e Policisë së Kosovës.
