Autoritetet gjermane kanë vënë në pranga dy shqiptarë në pikën kufitare Altenheim në Gjermani. Sipas raportimeve, arrestimi ka ndodhur në afërsi të pikës kufitare Altenheim, ku u ndalua një mjet. Pas ndalimit, pasagjeri 33-vjeçar është larguar dhe, pas një ndjekjeje të shkurtër, ai është arrestuar.
Gjatë kontrollit të të dhënave të tij personale, u zbulua se 33-vjeçari kërkohej me urdhër arresti ndërkombëtar nga autoritetet suedeze për 15 akuza për vjedhje. Gjithashtu, kishte edhe një urdhër arresti kombëtar për vjedhje, sipas të cilit 33-vjeçari duhet të vuajë 122 ditë burg. Aktualisht, Policia Federale supozon se dy shtetasit shqiptarë kanë hyrë në territorin federal për të kryer vepra penale të vjedhjes, raportohet në faqen policore të Altenheim. 33-vjeçari u dërgua në një institucion korrektues për të vuajtur pjesën e mbetur të dënimit me burg dhe, më pas, do t’i dorëzohet autoriteteve suedeze. Gjithashtu, ai do të akuzohet edhe për hyrje të paligjshme. Shoferit 36-vjeçar iu dha një ndalim për pesë vjet hyrje dhe qëndrim dhe, po ashtu, përballet me akuzën e ndihmës dhe nxitjes së hyrjes së paligjshme.
