Gazetari Artan Hoxha i ftuar në “Opinion” në “TV Klan”, ka folur për akuzat e ish-drejtorëve të Autoritetit Rrugor në Shqipëri dhe hetimet për shpërdorim detyre.
Hoxha tha se hetimet për ish-drejtorët Xhika dhe Toma kanë nisur prej 3 vitesh por që u penguan. Prokurorja e çështjes është penguar nga eprori i saj paraardhës.
“Të dy drejtorët janë akuzuar për shpërdorim detyre dhe jo për korrupsion. Që prej tre vitesh janë bërë letrat, por nuk është hetuar pasi kjo çështje është penguar nga eprori paraardhës. Ka pasur ndryshim kohët e fundit sepse ka shkuar një prokuror tjetër.
Kjo çështje ka qenë aq gati sa unë mund të them se ka vetëm një javë që janë bërë arrestimet dhe ju them se brenda javës tjetër çështja do të shkojë për gjykim, ” tha Hoxha.
