Turqia ka reaguar pas vendimit të SHBA-ve për vendosjen e sanksioneve ndaj dy ministrave turq, atij të Drejtësisë Abdulhamit Gul dhe atij të Brendshëm Suleyman Soylu, për arrestimin dhe ndalimin e pastorit amerikan Andrew Brunson.
Ministria e Jashtme turke të mërkurën protestoi fuqishëm kundër vendimit të Departamentit të Thesarit të SHBA, duke i bërë thirrje administratës amerikane të ndryshojë “vendimin e gabuar” të saj.
Turqia arrestoi pastorin amerikan në tetor 2016, nën akuzën e spiunimit dhe përpjekjes për të përmbysur qeverinë.
Ndërkohë ministri i brendshëm turk Sulejman Soylu reagoi me anë të një postimi në Twitter të enjten,
“Ne kemi një pronë në Amerikë : FETO. Ne nuk do ta lëmë atje, do ta marrim atë,”-shkroi ai.
Ministri i Drejtësisë Gul tha të mërkurën se nuk zotëron ndonjë pronë dhe nuk ka para jashtë Turqisë.
Zëdhënësja e Shtëpisë së Bardhë Sarah Sanders tha se SHBA do të vendoste sanksione ndaj Soylu dhe Gul për mos lirimin e pastorit amerikan, i cili përballet me akuzat e terrorizmit në Turqi.
