Policia e Shtetit ka goditur në një super operacion grupin e heroinës në Shijak dhe Durrës duke arrestuar; Flamur Avdylin, Astrit Avdylin, Jasim Avdylin, Shkëlqim Avdylin, Fatos Llaftiun dhe Shaqir Gjepalin. Mes të arrestuarve është edhe H. Hoxha i dënuar në Turqi për trafik heroine. Ndërkohë që në kuadër të këtij operacioni janë shoqëruar edhe mbi 20 persona të tjerë.
Flamur Avdyli së bashku me vëllezërit e tij dhe disa persona të tjerë janë arrestuar nga RENEA dhe FNSH.
Avdyli është një emër i njohur, pasi është pronar i disa bizneseve në Shijak, mes tyre i kompanisë ‘Orges Albania 2016’ dhe një hoteli luksoz “Germany” në Durrës, ndërsa akuzohet për trafik ndërkombëtar heroine së bashku me të arrestuarit e tjerë.
Flamur Avdyli është emigrant prej vitesh në Gjermani, ndërsa edhe vëllezërit e tij kanë qenë të dënuar për disa vepra penale. Grupi Avdyli akuzohet për trafik ndërkombëtar heroinë në Gjermani dhe disa vende të tjera të Bashkimit Europian.
