Ambasadori amerikan në Serbi, Kyle Scott, ka thënë sonte se ngjarjet e fundit në Mitrovicë janë hap i madh pas.
“Zhvillimet e sotme në Mitrovicë paraqesin hap të madh pas. Shpresoj se do të mbizotërojnë kokat e ftohta dhe të mundësojnë qetësimin e situatës. Dialogu nuk ka alternativë dhe bashkëjetesë paqësore të të gjithë popujve në Ballkan”, ka shkruar Scott në Twitter, raporton lajmi.net.
Reagimi i tij erdhi pasi pjesëtarët e Policisë së Kosovës arrestuan pasditen e djeshme shefin e të ashtuquajturës zyre për Kosovën në Qeverinë e Serbisë, Marko Gjuriç.
Me këtë rast presidenti i Serbisë, Aleksandar Vuçiç, thirri edhe mbledhje urgjente të Këshillit Nacional të Sigurisë, ku akuzoi rëndë krerët e shtetit të Kosovës dhe policinë. Ai kërcënoi edhe serbët që ishin pjesë e aksionit të PK-së.
d.co.
