Ish-Ministri i Brendshëm Flamur Noka ka reaguar me sarkazëm ndaj Kryeministrit Edi Rama pas lajmit për kapjen e dy tonëve kanabis në brigjet italiane sot, pikërisht në kohën kur Rama reklamonte një avion turk si të linjës shqiptare.
“Edi Rama duhet të inaguronte një projekt gjigand të tij në këto vite, “Narkoautostradën e Kanalit të Otrantos”, – shkruan me sarkazëm Noka në Fb, duke shtuar “dhe mundësisht të na e paraqiste edhe në 3D si vepra më e arrirë e qeverisë së tij krahas përzënies së 500 mijë shqiptarëve nga Shqipëria dhe plaçkitjes së atyre që kanë ngelur të jetojnë këtu.
2 ton çdo natë në “Narko-autostradën” e painaguruar që do të mbajë jo emër poeti, por atë të Ed Ramës. Ky po që është “realy news”, jo “fake news” për “Air Albania” që rezultoi të ishte “Turkish Airlines”.
