Dy turiste skandinave janë vrarë nga dy terroristë, të cilët besohen të jetë pjesë e ISIS, pasi i quajtën ato si “armike të Zotit”.
Së fundmi, mes fanatikëve të grupit terrorist po shpërndahet një video në të cilën militantët e dyshuar u heqin kokat vajzave në Marok.
Në videon e tmerrshme shfaqet një person duke përdorur një thikë të madhe për të prerë kokën e një të reje e cila besohet të jetë turistja daneze Louisa Vesterager Jespersen, 24 vjeçe. Ndërkohë që bënin ekzekutimin, ata bërtisnin “është vullneti i Allahut’.
28-vjeçarja, Maren Ueland, nga Norvegjia dhe Louisa Vesterager Jespersen, nga Danimarka, u gjetën të vdekura në afërsi të fshatit Imlil në malet e Atlasit të Lartë të Marokut të hënën.
Në video, autorët gjithashtu dëgjohen duke thënë se vrasjet e tyre ishin hakmarrje për sulme ajrore të kryera nga misioni bombardues perëndimor në Sirinë e shkatërruar nga lufta.
