U bë e njohur falë edicionit të 9-të të Big Brother, por edhe pse qëndroi shumë pak brenda asaj shtëpie, ish-banorja vazhdon të lakohet në media.
Armela Hyseni u cilësua si një nga femrat më tërheqëse të edicionit, por nuk vonuan sulmet ndaj saj lidhur me operacionet plastike.
Armela iu nënshtrua një operacioni në hundë, të cilin e bëri publik për fansat e saj. Disa faqe në rrjetet sociale publikuan foto të hershem të saj, duke treguar se si dukej në të vërtetë. Nga fotot vihej re se ajo iu ishte nënshtruar dhe operacioneve të tjera.
Sulmet nga fansat vijuan dhe me publikimet e mëtejshme, por Armela nuk e ka në plan të heshtë më.
Ajo iu është kundërpërgjigjur duke publikuar në rrjetet e saj sociale fotografitë e atyre që e kanë ofenduar apo e kanë cilësuar të shëmtuar.
“Dhe të mendosh që kjo më komenton mua “Sa e shpifme….”. Zot fale. Bujrum kush ka ndërmend ta bëjë si kjo! Nuk toleroj më!”, ka shkruar Armela në foton e postuar në Instagram.
Armela pas përfundimit të spektaklit premtoi, se së shpejti do të shihej në ekran, por me sa duket planet e saj nuk kanë shkuar siç priteshin.
Ajo njihet gjithashtu për lidhjen e kushtëzuar nga publiku që iu desh të kishte me ish banorin Damiano Agalliu.
Ata u ndanë menjëherë pas spektaklit duke pohuar se mes tyre nuk kishte ndjenja
