Policia e Tiranës ka arrestuar në flagrancë një 32-vjeçar pasi lëvizte me armë zjarri pa leje, në një automjet që përdorte një fenelinë policie.
Shërbimet e Forcës së Posaçme për Operacionet Speciale dhe Kërkimit në Drejtorinë Vendore të Policisë Tiranë, rreth orës 23:00, gjatë një kontrolli të befasishëm në rrugën “Tom Plezha”, Tiranë, në automjetin me targa angleze HN55DPX, që drejtohej nga shtetasi F.H, rezultoi se:
Aleksandro Karaj, 32 vjeç, lindur në Elbasan dhe banues në Tiranë, i cili ishte pasagjer në automjet, gjatë kontrollit fizik iu gjet në trup një Pistoletë e markës “Beretta” kalibri 7.65 mm.
Shtetasi i lartpërmendur u arrestuan në flagrancë për veprën penale “Prodhimi dhe mbajtja pa leje e armeve luftarake dhe municionit”, vepër penale qe parashikohen nga neni dhe 278 i K. Penal.
Gjatë kontrollit të mëtejshëm në automjet policia gjeti një palë fenelina policie për të cilën u procedua në gjendje të lirë për veprën penale “Mbajtja pa të drejtë e uniformës” të parashikuar nga neni 247 i K. Penal, drejtuesi dhe përdoruesi i automjetit, shtetasi: F. H. 38 vjeç, lindur dhe banues Tiranë .
Në cilësinë e provës materiale është bërë sekuestrimi i Pistoletës e tipit “Beretta” kalibri 7.65 mm, bashkë me një krehër me 5 (fishekë), auto veturë e markës “Nissan”, modeli “Murano”, një dritë fenelinë si ato që përdor policia, si dhe një palë dylbi.
Materialet iu kaluan Prokurorisë së Rrethit Gjyqësor Tiranë, për veprën penale, “Prodhimi dhe mbajtja pa leje e armeve luftarake dhe municionit”, vepër penale që parashikohen nga neni dhe 278 i Kodit Penal dhe veprën penale “Mbajtja pa te drejte e uniformes”.
