Një shqiptar 33 vjeç, i papunë dhe me precedentë penalë, është arrestuar nga karabinierët në Romë për trafik droge.
Duke hetuar në ambientet e shitjes së drogës në zonën Borghesiana, karabinierët lokalizuan vendbanimin e shqiptarit, në rrugën Forma Rotta, në të cilën dyshonin se fshihte armë e drogë.
Mbrëmë, pas një kontrolli rrufe, autoritetet bllokuan 33-vjeçarin, të cilit iu gjetën 11 thasë plastikë që mbanin 110 kilogramë kanabis, fshehur poshtë krevatit.
Brenda dollapit iu gjet një pistoletë model Beretta 98, e kalibrit 7.65, e cila rezultonte e vjedhur më 2008, me karikator të mbushur, 10 fishekë kalibër 9×21; një palë pranga pa matrikul; një kapuç që mbulon gjithë fytyrën; një kartëmonedhë 50 euro falso dhe 150 euro.
Shqiptari tashmë pret gjykimin në burgun në Regina Coeli.
