Ndonëse kemi hyrë prej një muaj në stinën e vjeshtës, koha vazhdon të surprizojë duke mbajtur akoma mirë. Temperaturat janë luhatur disi, por përsëri dita vazhdon të jetë e nxëhtë.
Megjithatë meterologët kanë paralajmëruar ndryshim të kohës, si dhe një dimër të ftohtë. Për këtë sigurisht që duhen marrë masat për të qenë në kushte optimale dhe të duhura, për të mos pasur pasoja të ndryshme, si dëmtime shëndetësore apo fizike.
Për të përballuar të ftohtin që pritet të vijë, ka disa mënyra të ndryshme, si me anë të kondicionerit, sobave me gaz apo atyre me dru etj. Shumëkush ka filluar me kohë apo dhe tani që të bëjë porositë përkatëse për të përballuar situatën e të ftohtit.
Diçka të tillë e ka bërë dhe Drejtoria e Policisë së Qarkut të Korçës. Mënyra që ka zgjedhur, është me anë të drurëve të zjarrit. Kjo drejtori në datën 28.09.2018 dorëzoi në Agjensinë e Prokurimeve Publike dokumentat për zhvillimin e një tenderi. Sipas dokumentacionit tenderi për blerjen e tyre është hapur ditën e djeshme në datë 01.10.2018 dhe është mbyllur një ditë më vonë, pra sot.
Ajo kërkon 40 metër kub dru, të cilët shihen si të mjaftueshëm për përballimin e këtij dimri që pritet të vijojë në ditët e ardhshme.
Dokumenti i plotë:
/AlpeNews.al