Të ishte për mamatë, ne do duhej të jetonim çdo dimër brenda një thesi me lesh. Për ato nuk je kurrë e veshur sa duhet. Sidomos nëse nuk vësh kanotierën e famshme e madje ta sistemosh mirë në pantallona, që mos të kesh asnjë gisht lëkurë jashtë, se plevitosesh pastaj! Mundësisht pulovra leshi, sa më të trasha. Ashtu po, je edhe ngrohtë edhe bukur. Ja ku e kemi shembullin perfekt, para syve.
Arbana Osmani ka një koleksion të tërë polovrash të trasha dimri, ëndrra e çdo mamaje, që na kanë etiketuar si “tylëra” të gjitha rrobat e dimrit që nuk u përshtaten standardeve të tyre, pra të jenë dy gisht të trasha.
Arbana qenka vajza që di të kujdeset për veten: pulovra të trasha e të plota, të punuara bukur, ngjyra-ngjyra, (ato gërshetat mund edhe t’i kishin marrë për model për t’u punuar me shtiza), që i vesh kur shkon në punë, kur udhëton, kur pi kafe me shoqet. Tani mamatë edhe do kishin ndonjë vërejtje për super e këmbët jashtë, po kur nuk kanë pasur?
