Të lidhesh në këto kohë është e vështirë, ke pretendime, do të jesh e pavarur, kërkon një mashkull të bukur e të pasur dhe larmishmëria e fotove në internet nuk na lë të qetë. Nëse vendos ta gjesh në Tinder apo Bumble do mendohesh shumë herë se çfarë të shkruash tek të dhënat e tua dhesi të reagosh pas mesazheve të para. Por të gjitha këto do ndryshojnë. Një aplikacion i ri do të mundësojë të gjesh shpirtin binjak përmes ADN-së. Programi quhet Pheramor dhe përdoruesit përputhen me njëri tjetrin përmes ADN-së.
Aplikacioni po testohet aktualisht në Hjuston të Amerikës. Ekzistojnë 11 gjene të lidhura me feromonet tona (molekulat e vogla të sekretuara në lëngjet trupore që ndikojnë në interesin seksual) që përcaktojnë nëse na tërheq seksualisht dikush. Këto gjene që nxirren nga ADN-ja krahasohen me ato të përdoruesve të tjerë. Nuk është vetëm shkenca, pasi aplikacioni përdor gjithashtu të dhëna nga profilet e mediave të tua sociale që të përputhen më tej, interesat, ku keni kontrolluar në internet, ku keni ngarkuar së fundi një foto etj. Kur përdoruesit të shfaqen në aplikacionin tënd, do dali një përqindje që tregon se sa ka të ngjarë të jeni krijuar për njëri-tjetrin, bazuar në informacionin e mësipërm. Megjithatë, duhet të prisni deri sa të dalë në përdorim për të gjithë.
