The Pierre, hoteli legjendar në New York, është gjithashtu edhe shtëpia e një prej apartamenteve më luksozë. I gjithë kati i 39 i hotelit 41-katësh me pamje nga Central Park është tani sërish i lirë për t’u marrë me qira për vetëm $500,000 në muaj. Me këtë çmim është me siguri apartamenti më i shtrenjtë në New York.
Qiramarrësit mund të vendosin për një kontratë 30 ditore ose për sa kohë t’u nevojitet. Rezidenca me gjashtë dhoma gjumi ishte në treg për herë të fundit në shkurt të këtij viti dhe është sërish i disponueshëm për të njëjtin çmim si atëherë.
Apartamenti me qiranë e kripur vjen me të mirat e veta. Shërbim 24 orë, kujdes ndaj kafshëve, pastrim dy herë në ditë dhe një Jaguar me shofer, i gjithi në dispozicionin e qiramarrësit.
Mirëseerdhët në hotelin legjendar Pierre, në verilindje të New York-ut. Në të kanë banuar ikona si Elizabeth Taylor dhe Yves Saint-Laurent.
Bashkë me apartamentin vijnë gjithë të mirat e një hoteli me pesë yje.
Prona ka një suitë presidenciale me dy dhoma gjumi dhe disa dhoma të tjera.
I gjithë kati i banimit është 444 metra katrorë dhe ka katër dhoma gjumi.
Gjithashtu ka gjashtë banja, të gjitha arreduar me mermer.
Edhe arredimi i dhomave është i mriëmenduar për të krijuar një ambient me dritë dhe relaksues.
Apartamenti ka edhe një dhomë ngrënieje, por duke marrë parasysh restorantin franzes Perrine në hotel, s’përdoret shpesh.
Të gjitha dritarët shohin nga Central Park.
A mund të ketë një apartament pamje më të mirë se kaq?
