Anxhela Nocka, 22 vjeç, ndërroi jetë mbrëmjen e së premtes në Spitalin e Budapestit.
Studentja e ekonomikut humbi betejën me leuçeminë akute, nga e cila u prek në mënyrë të befasishme në janar të vitit 2017. Sëmundje e cila konsiderohet shumë e rrallë.
Ajo u diagnostikua me nje semundje te rralle ( lymphomablastic lymphoma, non Hodgking ) dhe u po kurohej në Hungari, Budapest ku iu nenshtrua disa procedurave kuruese ( kimioterapi dhe transplant i palces kurrizore ).
Por nje shume prej 200.000 € qe i duhet per kurim, e këtë nuk e kishte. Ndaj edhe kerkoi ndihmë.
E në fakt më shumë se vetë ajo, duket se e gjithë shoqëria e saj u ngrit në këmbë siç rrallë kishim parë ndonjeherë, duke arritur në çdo pikë qe mund ta ndihmonte Anxhin e tyre sadopak.
Nisma e studentëve të Arkitekturësdhe miqve të saj për një rast unik që bashkoi mijëra qytetarë të thjeshtë, biznese private dhe institucione shtetërore, në një aksion të përbashkët humanitar që mundësoi qëndrimin e saj 1-vjeçar në një qendër të specializuar në Budapest të Hungarisë.
“NE NUK MUND TI NDIHMOJME TE GJITHE, POR TE GJITHE MUND TE NDIHMOJME NJE.” Ky ishte slogani i gjithë fushatës sensibilizuese.
Anxhela Nocka, 22 vjeçe
Mes dhimbjes së pafund për këtë humbje të madhe, familjarët e saj gjejnë forca të falenderojnë të gjithë ata që besuan fort se Anxhela meritonte të jetonte, duke dhënë një kontribut të paçmuar për t’i dhënë asaj shansin e fundit për jetën. Atë jetë, nga e cila ajo largohet sot gjithë dinjitet, sepse bëri gjithçka deri në kufirin e të pamundurës, kur trupi u dorëzua përgjithmonë, por jo shpirti i saj.
Ceremonia mortore për t’i dhënë Anxhela Nockës lamtumirën e fundit do të zhvillohet në ditët që vijnë, pasi arkmorti me trupin e saj të mbërrijë në Shqipëri.
Përgatiti: AlpeNews.al
