E ftuar në “Dita Jonë” nënkryetarja e Kuvendit, Vasilika Hysi deklaroi se presidenti dha argumente politike dhe jo kushtetues, veprim që sipas saj, krijon një precedent shumë të rrezikshëm.
Hysi u shpreh se ky vendim rrezikon të kthehet në një precedent të rrezikshëm.
“Në historinë e zgjedhjeve në Shqipëri ka pasur raste të shtyrjes së zgjedhjeve, por nuk kanë ardhur nga Presidenti, por ka qenë rezultat i një marrëveshje mes forcave politike.
Data e re është në periudhën e parashikuar nga Kushtetuta. Në rastin konkret, shtyrja e zgjedhjeve është bërë nga Presidenti pa u kërkuar nga partitë politike dhe është kapërcyer çdo afat kushtetues, duke krijuar një precedent.
Nëse lexojmë argumentet, ato janë politikë dhe nuk ka bazë ligjore. E dyta, duke cenuar Kushtetutën, krijohet një precedent i rrezikshëm.
Sa herë një forcë politike nuk pëlqen mazhorancën, të përdorë këtë lloj mekanizimi dhe në Shqipëri humbet roli i zgjedhjeve. Çdekretimi nuk njihet në Kushtetutë”, tha ndër të tjera Hysi.
