Në kuadër të Operacionit Forca e Ligjit SPAK ka kërkuar sekuestrimin e 8 pronave në Shqipëri.
Bëhet me dije se nga data 7 shkurt deri më sot OFL ka dërguar 24 kërkesa për sekuestrim të pasurive të paligjshme.
Struktura e Posaçme kundër Korrupsionit dhe Krimit të Organizuar ka deklaruar se për disa subjekte janë kërkuar nga OFL dokumente shtesë për të bërë verifikimete mëtejshme.
Mësohet se SPAK ka dërguar 8 prona për miratim sekuestro në GJKKO dhe bëhet fjalë për sekuestrimin e disa banesave, automjeteve dhe truall.
Një nga kërkesat e mbërritura në SPAK është për sekuestrimin e makinës së Lulzim Berishës.
Ndërsa 3 kërkesat e tjera janë për autorët e akuzuar për rrëmbimin e Jak Prengës, pra pronarët e resortit luksoz “Golden” në Durrës, ku u masakrua 49 vjeçari pasi u rrëmbye me dhunë në Kamëz.
Aksioni i parë i OFL ka vijuar me urgjencë në resortin Golden në Shijak, i cili është në pronësi të bandës së Hajrajve në Durrës. Nga ky operacion janë sekuestruar një karburant dhe 3 shtëpi në pronësi të këtij grupi.
Kujtojmë se prej disa javësh OFL ka vijuar aksionin në goditje të pasurive të vëna nga aktivitete të paligjshme, duke u dërguar kërkesë për të deklaruar pasurinë disa prej personazhëve më të njohur të botës së krimit.
