Gjykata e Apelit Tiranë ka vendosur të lirojë nga “arresti shtëpiak” një pjesë të personave të arrestuar gjatë operacionit kundër lojërave të fatit në Tiranë, duke caktuar masën e “detyrimit për paraqitje në polici”. E njëjta masë sigurimi është caktuar dhe për disa nga personat ndaj të cilëve gjykata e shkallës së parë Tiranë, kishte vendosur masën e “arrestit në burg”.
Për shkak se janë shumë persona që kanë apeluar vendimin e shkallës së parë, masa e sigurisë për këtë çështje është ndarë në dy pjesë ku në 12 mars 2020 trupi gjykues i gjykatës së Apelit vendosi të zbusë masën e sigurisë për Ali Çaushi, Mario Ylli, Arjan Tasellari, Krestjano Jaicari, Klajdi Kuqo, Drini Gora, Erjon Kreka, Igli Spaholli, Redinel Hamolli, Andi Ura, Elvis Brahimi, Melazim Hykaj, Endrit Osmanaj, Taulant Preçi, Axhildo Kashari, Erjon Muja, Ledjon Aliçka, Klevis Dedja, Ilirjan Balla, Isuf Tato, Igli Oboni, Denis Hysko, Edrian Myftari, Klajdi Toska, Romir Hamitaj, Kostandin Delilaj, Enes Saliaj, Julian Kasaj, Samuel Buziu dhe Dritan Dema.
Ndërkohë pritet që ditën e enjte në datën 19 mars të dalin para gjykatës pjesa tjetër e personave që momentalisht ndodhet në burg ku kërkojnë lirimin nga qelia. Të enjten do dalin para gjyqtarit Ritvan Hado, Gramoz Murataj, vëllai i Besnik Murataj dhe Elvis Mulaj, vëllai i Natasha Mulaj, kryetares së Këshillit të Posaçëm të Apelimit “Vetting” në Shqipëri.
