Sikurse çdo ditë neve zgjedhim postimin e ditës.
Sot në fokus është kultura duke u konkretizuar nëpërmjet disa statujave vërtet in teresante në qytetin e Belshit.
Kryebashkiaku i Belshit Arif Tafani, nëpërmjet një postimi në “FACEBOOK” është shprehur se sot është finalizuar projekti i Bashkisë.
Në sheshin “Sami Frashëri” në qytetin e Belshit është projektuar “ Ansambli i monumenteve”, me 2 veprat e para, bustin e Rilindasit te madh Sami Frasheri dhe nimfes se liqenit ( goca e gjolit).
Por sipas kryebashkiakut projekti do të vazhdojë edhe me vepra të tjera, për të cilat qytetarët janë të lirë të japin mendimin e tyre, i cili do të merret në konsideratë.
POSTIMI I PLOTË:
Kurorezuam sot, projektin e Bashkise“ Ansambli i monumenteve”, ne sheshin Sami Frasheri, me 2 veprat e para, bustin e Rilindasit te madh Sami Frasheri dhe nimfes se liqenit ( goca e gjolit).
Projekti do te vazhdoje me vepra te tjera , deri ne kompletimin e ketij ansambli monumental.
Jemi te hapur per mendime dhe sugjerime te ndryshme ,nga grupe interesi, mesues, nxenes, intelektuale te zones dhe jo vetem, per kete projekt. 
