Anija kozmike, Soyuz ka dërguar dy astronautë amerikanë dhe një tjetër kozmonaut rus në Stacionin Ndërkombëtar të Gjithësisë.
Anija ka arritur në hapësirë dy ditë pasi e njëjta është nisur nga kompleksi rus në Baikonur të Kazakistanit.
Në anije kanë qenë astronautët nga NASA, Drew Feustel dhe Ricky Arnold, së bashku me kozmonautin rus, Oleg Artemyev.
Ata u janë bashkuar tre anëtarëve të tjerë të ekipit në Hapësirë.
Ekipi i ri ka planifikuar të qëndrojë rreth pesë muaj në stacionin e Hapësirës.
Artemyev ka marr një top futbolli që pritet të përdoret në ceremoninë e hapjes së Kampionatit të futbollit për Kupën e Botës, i cili nis më 14 qershor në Moskë.
Astronauti tjetër, Anton Shkaplerov do ta kthejë topin në Tokë, pasi ai pritet të kthehet në planet, dy javë para nisjes së kampionatit.(rel)
