Djegia e mandateve nga LSI-ja dhe PD-ja duket se e ka futur në një krizë politike vendin tone. Duke bërë protesta dhe duke krijuar trazira. Ka nisur plotësimi I vendeve vakante dhe duket se lista e Lsi-së e cila ka pasur 19 mandate po plotësohet ku disa prej tyre janë betuar në parlament.
Po si është historiku I kësaj partia e cila ishte e vogël u bë e madhe dhe po zvogëlohet sërish, nuk dihet se kush e ka fajin kryetari që e la apo kryetarja që e mori.
Lëvizja Socialiste për Integrim, një parti e cila u krijua në vitin 2004, pas një përplasje të Ilir Metës, me ish-kryeministrin e atëhershëm Fatos Nano.
Me 100 mijë votat e marra në zgjedhjet e 2005-s, LSI-ja e Ilir Metës u fut si “përçarëse” e së majtës dhe përgjegjëse për rikthimin e Sali Berishës në pushtet.
Me gati 25 mijë vota më pak se 2005-a, ky objektiv në dukje i paarritshëm, në fakt rezultoi i artë. 4 deputetë mjaftuan për të mbajtur Sali Berishën në pushtet.
Katër mandatet rezultuan vendimtare për të përcaktuar rritjen e pandalshme të Lëvizjes Socialiste për Integrim. Një rritje që u konfirmua në zgjedhjet lokale të 2011-s, pak muaj pas dorëheqjes së Metës nga Qeveria e kryeministrit Berisha.
Rritja e LSI-s ishte një ndihmesë e madhe për PD dhe për vetë Lulzim Bashën I cili me votat e saj u bë kryetari I bashkisë së Tiranës njeriu I cili drejton sot Partinë Demokratike.
Me 1 prill të vitit 2013 Meta bëri marrëveshje me Edi Ramën dhe solli “Rilindjen” në pushtet, I cili me votat e Partisë socialiste u bë President I Shqipërisë.
Me zgjedhjen e Metës President në krye të Lsi-s u vendos Petrit Vasili edhe pse ai ishte kryetar I saj fushatën e 2017 e drejtoi vetë Ilir Meta e dhe pse ishte zgjedhur president.
Por edhe ëndrra e Vasilit për të qenë kryetar I LSI-s mbaroi shpejt pasi vetëm pas një muaji pas zgjedhjeve të 2017-s në krye të Lsi-s u vendos Monika Kryemadhi bashkeshortja e Ilir Metës e cila nuk pranoi të bëhej” Zonje e Parë” por mori në dorë partinë e trashëguar nga burri I saj.
Tashmë pas dy vitesh, Lsi-ja po dobësohet dhe qëndresa në opozitë e ka dëmtuar pasi shumë militant të saj e braktisën LSI-n.
I pari ishte deputeti Robert Bitri në parlament, dhe i dyti ishte Lefter Koka, i cili doli kundër vendimit të Monika Kryemadhit për të djegur mandatet e deputetëve.
Pas djegies së mandateve të 17 deputetëve nga Lsi-ja, të tjerë kandidatë në listat pasuese po rrëmbejnë mandatet me shpejtësi.
Vetem vetëm 7 prej tyre kanë pranuar mandatin dhe janë betuar në parlament ndërsa 2 të tjerë kanë dorëzuar formularin e dekriminalizimit për të marrë mandatin. Në mesin e tyre është ish-këshilltari I Ilir Metës, Ralf Gjoni. Anija e LSI-së e cila nisi të futet në oqean duket se po mbytet, pasi qëndrimi në opozitë duket se e dëmtoi partinë e vogël e cila u bë e madhe dhe po zvogëlohet sërish.
Përgatiti: AlpeNews.al
