Nga Anglia ka ardhur një lajm që mund të përmbysë të gjithë skenarët e futbollit europian. Sipas të përditshmes “Daily Express”, Carlo Ancelotti është kandidati numër një për të marrë vendin e Antonio Conte në drejtim të Chelsea-it, nëse ish-trajneri i Italisë do të largohet nga drejtuesit e klubit londinez.
Për Ancelotti-n do të bëhej fjalë për një kthim, duke parë se i ka drejtuar “Blutë” drejt “Double” (kampionat dhe Kupën e Anglisë) në sezonin 2009/10. Ndërkohë, nga Italia mësohet se Milan është interesuar përsëri për të kuptuar nëse Conte ka dëshirë të kthehet në kampionatin italian.