Kalimi i Shpëtim Idrizit me kalocionin PD-LSI nuk i kërcënon pozitat e PS.
Nëse do krahasonim votat e marra nga partitë në zgjedhjet parlamentare të 2017, dhe nëse pesha elektorale nuk do lëvizte, edhe në zgjedhjet lokale të 2019, aleanca e shpallur ditët e fundit mes Partisë Demokratike, Lëvizjes Socialiste për Integrim dhe PDIU nuk mjafton për të rrezikuar pozitat e Partisë Socialiste.
Në zgjedhjet e fundit parlamentare, të gjitha së bashku, PD, LSI dhe PDIU kanë marrë gjithsej në rang kombëtar 758 383 vota, ndërsa Partia Socialiste ka marrë e vetme 764 750 vota ose 6 367 vota më shumë se sa aleanca e re opozitare.
Partia Demokratike ka marrë 456 413 vota, bashkë me Partinë Republikane, Partinë Demokristiane, PBDNJ e drejtuar nga Vangjel Dule dhe Lëvizjen për Zhvillim Kombëtar.
Lëvizja Socialiste për Integrim ka marrë 225 901 vota, ndërsa Partia për Drejtësi Integrim dhe Unitet ka marrë 76 069 vota. Diferenca e votave mes PS dhe grupit të partive PD-LSI-PDIU, thellohet nëse llogarisim edhe 14 993 vota të Partisë Socialdemokrate, e drejtuar nga Skënder Gjinushi, një parti kjo aleate tradicionale e Partisë Socialiste.
Analiza e votave, zgjedhjet 2017
PS 764 750 vota
PD 456 413 vota
LSI 225 901 vota
PDIU 76 069 vota
PD-LSI-PDIU 758 383 vota
PSD, aleate e PS 14 993 vota
