Propozimi i Komisionit Evropian për të ndaluar të gjitha importet e naftës ruse nga toka dhe deti ka goditur rëndë Hungarinë si nw aspektin politik dhe atw ekonomik, transmeton BBC.
Rrjeti i tubacioneve të naftës Druzhba (Miqësia) u hap në 1964 për të furnizuar vendet e Traktatit të Varshavës të Evropës Lindore.
Rafineria Szazhalambatta e Hungarisë në jug të Budapestit dhe rafineria Slovnaft e Sllovakisë në Bratislavë, u projektuan për të rafinuar naftën e rëndë të papërpunuar ruse përmes këtij rrjeti.
Si Hungaria ashtu edhe Sllovakia janë pa dalje në det, pa akses në furnizime alternative nga deti – Sllovakia merr 96% të naftës së saj nga Rusia, dhe Hungaria 64%.
Arsyeja tjetër që propozimi i Komisionit dëmton Hungarinë, është politike. Qeveria Fidesz e Viktor Orban është tashmë në mosmarrëveshje me Komisionin për një gamë të gjerë çështjesh të sundimit të ligjit.
Ajo është thellësisht e izoluar në Evropë, e akuzuar se ende ushqen marrëdhënie të mira me Vladimir Putinin – pikërisht për përfitimet e naftës dhe gazit.
Qeveria hungareze e ka bërë të qartë se do të vërë veton ndaj propozimeve të Komisionit në formën e tyre aktuale. Ajo kërkon një përjashtim të plotë për naftën bruto ruse të dorëzuar nga tubacioni.
