Fituesi i “Big Brother 6”, pas diplomimit për gazetari, sa i takon karrierës, lundron mes politikës, televizionit dhe menaxhimit.
Por Anaid Kaloti është një nga personazhet më karizmatikë, që komentohet vazhdimisht për histori me vajza të bukura të ekranit. Para pak ditësh doli lajmi se ai ka pak kohë i lidhur me prezantuesen e re Sara Kolami, me të cilën ishte parë tek shkëmbente puthje e përkëdhelje në një nga club-et e njohura të Tiranës. Ish-partnerja e Kelvi Kadillit në “In Tv”, e cila bashkëpunon me stilistin e njohur Niko Komani në emisionin e saj, nuk e ka mohuar lajmin duke u shprehur për ndonjë media se thjesht nuk ka asnjë koment për të bërë.
Po ashtu edhe Anaidi nga ana e tij nuk e ka mohuar, ndërkohë që ka bërë përshtypje fakti, që ai direkt pas këtyre lajmeve postoi në “Instagramin” e tij foto me një vajzë tjetër brune, shumë simpatike që ai e quan Lacerta. Ndërkohë, që të gjitha portalet zienin për lidhjen, që nuk pritej mes tij dhe Sarës, ai del hapur me një vajzë tjetër, që nuk është e njohur në publik.
E pas kësaj, ndjekësit e kanë komentuar Anaidin si djalin mes dy femrave.
Nuk dihet nëse postimin në fjalë e bëri për të humbur gjurmët me Sarën, apo nëse Lacerta është një histori e fshehtë e tij dhe ishte vetë vajza, që i imponoi të postonte foton, pas boom-it me Sarën.anaidi-sara
I pyetur nga “Panorama” ai nuk e mohoi lidhjen me Sarën, por as e pohoi duke lënë të kuptohet se në jetën e tij po luhet një telenovelë, që fundi nuk i dihet. Aktualisht, Anaidi është shumë i suksesshëm në organizimin e eventeve në jetën e natës, duke sjellë risi dhe ide vërtet të veçanta.
Mesa duket angazhimet në këto lloj pune e kanë bërë të ketë më shumë kontakte me vajzat e bukura të njohura dhe të panjohura qofshin.
