Kryeministri Rama tha sot se do ta largojë nga grupi parlamentar deputetin e Kurbinit. Ai tha se përveçse ka shantazhuar dhe ka bërë presion mbi këdo kë ka mundur, për të marrë vende pune dhe që kërkonte ekskluzivitet edhe për të vënë shefa policie në Kurbin dhe pastaj del atje dhe bën një deklaratë të tërë pocaqi kundër Policisë së Shtetit në Kurbin.
Ai nuk mund të jetë deputet i PS.
Kush është deputeti i Kurbinit dhe pse Rama kërkoi ta përjashtojë nga Ps-ja.
Kush është deputeti i Kurbinit Gjetan Gjetani, lindur dhe banues në Milot, rrethi Kurbin, më 02.04.1982. Ai ka perfunduar studimet e larta në degën Juridik, Fakulteti i Drejtësisë, Universiteti “Luigj Gurakuqi”, Shkodër. Nga periudha 16.08.2004 – 31.03.2008 ka ushtuar detyrën e punonjësit të policisë në Komisariatin Lezhë.
Nga periudha 06.06.2008 – 21.07.2009 ka ushtuar detyrën e punonjësit të policisë në IEVP Lezhë. Nga periudha 01.07.2011 – 04.11.2013 ka ushtuar profesionin e avokatit në Dhomën e Avokatisë Lezhë. Nga periudha 05.11.2013 dhe në vazhdim është në detyrën e përgjegjësit të ZVRPP Kurbin.
Partia Demokratike e ka akuzuar deputetin Gjetan Gjetani, i lidhur me dyshime për fshehjen e të dhënave për aktivitet kriminal, që sipas ligjit për dekriminalizimin duhej ti pengonte për të marrë poste publike apo për tu zgjedhur.
Reagimi i deputeti në facebook ishte arsyeja që Rama tha se do ta përjashtonte.
Vrasjet e ndodhura në Memaliaj i dhanë shkas deputeti socialist të reagojë kundër policisë së Kurbinit ku i cilësonte si të paaftë dhe të korruptuar. Dhe se do ti kërkonte interpelancë ministrit Xhafaj.
Postimi i plotë
Ngjarjet e fundit te ndodhura ne Kurbin, me kane shqetesuar shume. Duke bere qe, ne Kurbin, te mos ndihemi te sigurte. Eksploziv, kercenim me arme dhe vrasjen e dy te rinjeve, tregon qe, policia eshte hallke shteterore shume e paafte. Kjo tregon , se ne Kurbin, kane sjelle oficere dhe drejtues policie te paafte te korroptuar dhe ordinere. Si deputet i kesaj zone, kam pas ankesa te shumte nga qytetaret te cilat do ti bej publike ne Parlament. Brenda muajit Shtator do kerkoj interpelance me ministrin e brendshem, dhe nqs nuk do te marre masa per pastrimin e Komisariatit te plolicise Kurbin, une i pari do ngrihem ne proteste, duke kerkuar mbeshtetjen e gjithe qytetareve te Kurbinit pa marre parasysh ngjyrat politike.
/AlpeNews.al
