Pas përfundimit të mandatit të tij si diplomat i Shteteve të Bashkuara të Amerikës, Donald Lu u largua nga Shqipëria për të vazhduar aktivitetin e tij të diplomacisë në një vend tjetër.
Një emër konkret ka mbërritur sot nga ShBA-të në zyrën e Ministrit për Europën dhe Punët e Jashtme.
Ajo është zëvendës ndihmëssekretarja për Zyrën e Çështjeve Evropiane dhe Euroaziatike në Departamentin e Shtetit Kathleen Kavalec.
Kathleen Kavalec e ka marrë detyrën si zëvendësndihmëssekretare në gusht 2015. Në këtë cilësi, ajo është përgjegjëse për Rusinë dhe për Zyrën e Çështjeve Rajonale. Më parë ajo ka shërbyer si Drejtore për Çështjet Ruse në të njëjtën Zyrë.
Në një periudhë më të hershme Kathleen Kavalec ka qenë Zëvendës Shefe e Misionit dhe Zëvendës Delegate e Përhershme në Misionin e SHBA në UNESCO, në Paris (2010-2013).
Në periudhën 2009-2010, Kavalec ishte Zëvendës Koordinatore për Asistencën e SHBA për Evropën, Eurazinë dhe Azinë Qendrore.
Nw vitet 2008 – 2009 ajo ka shërbyer edhe si Drejtore e Parandalimit të Konflikteve në Zyrën e Koordinimit për Rindërtim e Stabilizim. Detyrat jashtë vendit kanë përfshirë edhe ture në Ukrainë, Rusi, Rumani e Brazil.
Në një moment ku Shqipëria po tenton që të marrë “portofolin e vendit negociator” në BE një ambasador i fortë dhe i qëndrueshëm i ShBA-së do të ishte një “as nën mëngë” për politikën shqiptare.
Kjo e fundit duke theksuar se ish-ambasadori Lu në janar të këtij viti erdhi me një deklaratë të fortë për ata që quhen “peshqit e mëdhenj”. Deklaratë e cila doli të jetë thjeshtë veç një e tillë.
/AlpeNews.al
