Alvin Berisha është i lirë. Pas 1 muaji plot ankth e frikë për jetën e tij, 11-vjeçari ka mundur të dalë jashtë kampit “Al Hol” në veri të Sirisë, ku mbahen të burgosur mbi 70 mijë luftëtarë të ISIS dhe të afërm të tyre.
Televizioni Klan ka siguruar fotot e tij në një vend të sigurt jashtë kampit në qytezën Erbril të Sirisë, në një bazë të sigurt nën kujdesin e organizatave ndërkombëtare.
Ndërsa kjo foto ekskluzive e Televizionit Klan tregon momentin kur ai ka dalë nga kampi në një furgon.
Në fotot e tjera ai mban në kokë një kapele të Gjysmëhënës së Kuqe Siriane, e cila ka ndihmuar ne operacionin e shpëtimit, së bashku me kryqin e kuq ndërkombëtar.
