“Një ndalim pa prova sepse përndryshe klienti i mbrojtur prej meje do ishte arrestuar në flagarancë; një ndalim i paligjshëm nga pikëpamja proceduriale dhe ku organi i akuzës nuk e vërteton dot se shuma e parave të gjetura në shtëpinë e gjyqtarit të Apelit Shkëlqim Miri, mund ta kenë burimin nga ndonjë akt i mundshëm korruptiv”.
Ky ka qenë deklarimi i avokatit të gjyqtarit, z. Ardian Visha për të cilin Gjykata e Krimeve të Rënda pas kërkesës së Prokurorisë, vendosi masën e arrestit me burg pa afat, nën akuzën e korrupsionit pasiv. Gjyqtarit Miri i është gjetur gjatë një kontrolli në banesë shuma e rreth 30 milionë lekëve (të reja) të cilat prokuroria dyshon se janë përfituar nga favorizimi nëpërmjet një vendimi gjyqësor ndaj një të gjykuari prej tij. Nga vrasje, akuza për të është klasifikuar si plagosje e rëndë, gjë që e ka favorizuar të akuzuarin Gentian Doda në përftim të një mase dënimi më të lehetë nga trupi gjykues i apelit ku ka qenë pjesë, edhe gjyqtari Shkëlqim Miri.
Sipas avokatit të njohur Visha, gjyqtari vuan nga një sëmundje e rëndë tumorale për të cilën muaj më parë është ekzaminuar nga një spital në Shqipëri dhe priste që të bëhej operacion në Gjermani. Paratë e gjetura në banese pretendohet se janë grumbulluar për këtë operacion dhe se shuma një pjesë buronte nga para të ligjëshme nga të ardhurat ndër vite të pagesave të tij dhe të bashkëshortes. Ndërsa pjesa tjetër e parave, sipas avokatit vërtetohet me anë të deklaratave noteriale se I përkasin të afërmve të gjyqtarit Shkëlqim Miri.
Visha mësohet se ka patur debate të ashpra brenda në seancë me Prokurorët dhe gjyqtarët. Përfaqësuesi I prokurorisë mësohet të jetë shprehur se nuk mund të kërkohet masë tjetër më të lehtë arresti për gjyqtarin, për shkak të presionit të madh public dhe mediatik që është krijuar këto ditë. Porn ë fakt, ironia e gjithë kësaj alibie të prokurorit, është se opinion është ushqyer me detaje të hetimit, të cilat I ka disponuar vetëm Prokuroria për Krime të Rënda. Ç’ka do të thotë se aty është edhe burimi I presionit për të cilën ajo tashmë e përdor si një justifikim për të kërkuar masën më ekstreme të arrestit për një koleg gjyqtar.
Në foto Z. Artan Visha- Avokati i gjyqtarit të arrestuar, Shkëlqim Miri.
Alpenews.al