Bënë gjithçka mundën që negociatat për anëtarësimin e Shqipërisë me BE të mos hapeshin, duke dashur që të injektonin artificialisht në sistem, një krizë politike që nuk ekziston.
Ilir Meta gjithë muajt e verës, na dha 100% garanci se më 18 tetor dyert e Europës do qëndrojnë të mbyllura për shqiptarët.
Por, tani që po e kuptojnë se nuk ia dolën dhe negociatat do hapen, kanë filluar të marin kthesën.
Sot kanë deklaruar se jo qeveria, por vetëm ata janë të interesuar për hapjen e negociatave.
Ata që bojkotuan 30 Qershorin, sot thanë se vetëm zgjedhjet janë zgjidhje për ne.
Ata që u betuan se do na ngrinin buzëqeshjen me gurë e molotovë, sot thanë se janë të gatshëm për të bërë gjithçka që data 18 të jetë e gëzueshme për shqiptarët.
Hajde e mos i besoni po deshët më 19 tetor, kur të deklarojnë se merita për hapjen e negociatave me BE, është vetëm e Sali Berishës, Lulzim Bashës, Ilir Metës dhe Monika Kryemadhit!
