Partia Demokratike ka akuzuar ish-kryeministrin Sali Berisha se po kërkon vota për logon e LSI-së dhe sulmon logon e PD-së.
Me anë të një postimi në Facebook, PD shkruan se non-grata është në nëj hall të madh, dhe sa më shumë kohë kalon, aq më shumë gënjen dhe mashtron.
Sipas selisë blu, aleatët brenda “Shtëpisë së Ilirit”, shantazhojnë njëri-tjetrin dhe janë peng i korrupsionit të tyre.
Non Grata kërkon vota për logon e LSI dhe sulmon Logon e PD. Non grata është në hall të madh. Sa më shumë i rritet halli ,aq më shume gënjen e mashtron. Sa më shume bashkohen demokratët, aq më shumë i sulmon burracaku. Siç e ka bërë vetë të qartë non grata, çdo votë per kandidatët e Shtëpisë së Ilirit, është votë për Edi Ramën, njësoj si në vitin 2013. Non grata do ti përdorë demokratët për hallin e tij dhe aleatëve të tij për partinë e re të Shtepisë së Ilirit. Aleatët brenda shtëpisë së Ilirit, shantazhojnë njëri tjetrin dhe janë peng i korrupsionit të tyre. Çdo votë për Berishën e Metën, mban Ramën” – shkruan PD.
Ish-kryeministri Sali Berisha prezantoi këtë të premte kandidatin e koalicionit “Shtëpia e Lirisë”, Elton Banon gjatë një takimi me mbështetësit e tij në fshatin Bubullimë të Fierit.
