Albin Kurti është sot kryeministri i ri i Kosovës, pas fitores me 25.79% të votave në zgjedhjet e parakohëshme të ditës së djeshme.
Në një rrugëtim prej 15 vitesh, Albini që njohim sot duket krejtërisht ndryshe nga ai i viteve më parë, kur në 1997 u bë një nga udhëheqësit e protestës historike studentore më 1 tetor 1997 e cila u shtyp brutalisht nga policia e Milosheviçit.
“Albin Kurti, një socialist nga Ballkani që mund te mos e njihni por duhet ta njihni. Kjo foto është shkrepur gjatë protestave në ’97-’98 (para luftës) në Kosovë. Ai vijon të rezistojë. Shumë prej burrave të tjerë që vepruan si ai janë ende në burg, shkruhet në një prej artikujve të huaj për Kurtin.
.Më 13 mars 2000 në Nish, Albini u dënua me 15 vjet burg të rëndë. Gjatë gjykimit ai refuzoi të njihte legjitimitetin e gjykatës duke thënë: “Ky gjyq nuk ka asgjë të përbashkët me të vërtetën dhe drejtësinë. Ky gjyq i shërben politikës ditore të regjimit të Milosheviçit që e ka mbajtur Kosovën nën okupim”.
(Në burg në Serbi)
Kur u dënua, ai tha: “Nuk është me rëndësi nëse më dënoni dhe sa më dënoni. Çdo gjë që kam bërë e kam bërë vullnetarisht dhe me dinjitet, jam krenar për këtë dhe po të më ipej rasti do të veproja sërish njësoj.”
Momente nga ky episod
Më 12 qershor 2005 në muret që rrethonin ndërtesën e UNMIK-ut, aktivistët shkruan parullën Jo negociata, vetëvendosje, që solli në transformimin e KAN-it në Lëvizjen vetëvendosje! Shkrimi i parullave vazhdoi gati në të gjitha fshatrat dhe qytetet e Kosovës, dhe pastaj lëvizja filloi me përdorimin e metodave tjera kreative e të pa dhunshme sikurse janë aksionet simbolike, bllokadat dhe së fundi edhe demonstratat masive.
Shërbimi Policor i Kosovës në bashkëpunim me policinë ndërkombëtare arrestoi, burgosi dhe dënoi qindra aktivistë, ndër ta edhe Albinin. Lëvizja vetëvendosje! kërkon referendum gjithpopullor në Kosovë, si e vetmja zgjidhje e drejtë paqësore për të vendosur statusin e Kosovës.
Albin Kurti i viteve më parë, rebel i “pandreqshëm” është padyshim ndryshe nga ai që sjpejtë do të betohet si kryeministër i Kosovës. E megjithatë, pasioni dhe kembengulja e tij duken të jenë të njejta si ato të rinisë, duke e bërë rrugëtimin e tij në politikë edhe më të gjatë.
/AlpeNews.al
