Një libër mjaft interesant i nobelistes Svetlana Aleksievič!
‘Na kanë mësuar vetëm se si të vdesim për ta fituar lirinë, por nuk na kanë edukuar si ta shijojmë lirinë.’
Duke lexuar faqet e këtij libri, del në pah edhe emërtesa interesante e titullit të librit: ‘Kohë e përdorur!’
Kaq shumë e kam hasur fjalën ‘i / e përdorur’ në Shqipëri saqë mendoja se askund nuk mund të jetë aq e përhapur sa tek ne!
‘Makinë e përdorur’, ‘rroba të përdorura’, ‘njeri i përdorur’ (kryesisht në politikë). Madje absurdi tek ne nuk kishte kufinj.
Mbaj mend që në kohë të gjimnazit që për një vajzë e cila kishte patur një histori dashurie të përfunduar, përdorej shpesh termi skandaloz ‘e përdorur!’.
Deri këtu kishim arritur!
Por ja që Aleksievič arrin deri tek e paimagjinueshmja: ‘Kohë e përdorur!’
