UASHINGTON, 5 nëntor /ATSH-ANSA/ – Pavarësisht viteve që shkencëtarët përpiqen dhe do të përpiqen që ta mundin, plakja nuk mund të zhduket kurrë, por vetëm të ngadalësohet, sipas një ekuacioni matematikor të zbuluar nga grupi i studiuesve të universitetit të Arizonës, të drejtuar nga Joanna Masel dhe të publikuar në revistën e Akademisë së Shkencave të SHBA-së, PNAS.
“Janë të shumta rrugët e eksploruara gjith këto vite për të kthyer pas akrepat e kohës. Por, duhet të dorëzohemi, plakja është matematikisht e pashmangshme”, thotë Masel.
Këtë proces e bën të pashmangshme fakti se qelizat ngadalësohen dhe fillojnë të humbasin funksionet e tyre, ndërsa disa rrisin aktivitetin e tyre, duke përfunduar të shkaktojnë tumore.
Madje, edhe po të arrihet të bëhet një seleksionim perfekt, duke eleminuar disa qeliza që funksionojnë keq dhe të mbahen ato të mira, plakja gjithnjë do të fitojë, sepse qelizat tumoriale bëjnë hile kur janë në garë me të tjerat.
“Kur plakesh, shumë qeliza humbasin funksionet e tyre dhe pushojnë së rrituri, ndërsa disa rriten në mënyrë të çekuilibruar”, vazhdon Masel.
“Është njësoj si të ndodhesh në një shteg pa krye. Nëse haq qelizat që nuk funksionojnë mirë, hapet rruga për ato kancerogjene, ndërsa nëse eleminohen ose bllokohen këto të fundit, shtohen ato që funksionojnë keq. Mund të zgjidhet njëri prej problemve jo të dy”, shtoi ai.
