Oliver Dragiç, personi i akuzuar se ka shërbyer në një njësi paraushtarake, që ka marrë pjesë në masakrën e Srebrenicës në vitin 1995, ku forcat serbe të Bosnjës kanë vrarë rreth 8 mijë burra e djem myslimanë, do të dëbohet nga Shtetet e Bashkuara, sipas një marrëveshjeje të djeshme për pranim të fajit në një gjykatë amerikane.
Vitin e kaluar, qeveria amerikane e ka akuzuar Oliver Dragiçin, një emigrant me qëndrim në shtetin Ohajo, se ka dështuar të vërtetojë se ka shërbyer në njësinë speciale policore në Bosnjë, pretendim sipas të cilit, në mënyrë mashtruese ka fituar hyrjen në Shtetet e Bashkuara në vitin 1998 si refugjat, kur ai pretendonte se ishte viktimë e luftës.42-vjeçari Dragiç është personi i fundit në pjesën veriore të shetit amerikan Ohajo, të cilin prokurorët e kanë akuzuar viteve të fundit për fshehje të të përfshirëve në luftën në Bosnjë të cilat kanë tentuat të hyjnë në Shtetet e Bashkuara.
Oliver Dragiç ka pranuar se ka bërë deklarata të rreme, por i ka hedhur poshtë pohimet se ishte i përfshirë në masakrën e myslimanëve afër Srebrenicës në vitin 1995, që konsiderohet se ishte mizoria më e tmerrshme në tokën evropiane, pas Luftës së Dytë Botërore.
Përpos akuazave, Dragiç do të dëbohet në Bosnjë-Hercegovinë.
