4 të rinj janë arrestuar pasi akuzohen për grabitjen e një punishte mermeri në Tepelenë. Grabitësit vodhën vegla pune si kompresorë, motosharrë, troko e materiale të tjera me vlerë të konsiderueshme monetare.
Në pranga ranë shtetasit me iniciale M. M., 26 vjeç, M. M., 28 vjeç, S. Ç., 20 vjeç dhe S. Ç., 23 vjeç, të cilët në bashkëpunim me njëri-tjetrin kanë grabitur punishten e mermerit.
Vjedhja ka ndodhur më 20 maj, ndërsa gjatë ditës së sotme është bërë e mundur dokumentimi i plotë i saj dhe vënies në pranga të autorëve.
4 të arrestuarit gjithashtu dyshohet se në bashkëpunim me njëri-tjetrin kanë kryer dhe disa vjedhje të tjera në fshatrat e Tepelenës.
Në cilësinë e provave materiale u sekuestruan objektet e vjedhura nga punishtja.
Materialet i kaluan Prokurorisë së Rrethit Gjyqësor Gjirokastër, për veprën penale “Vjedhja, e kryer në bashkëpunim”.
