Policia italiane ka finalizuar me sukses një operacion, ku në pranga kanë rënë 10 persona, disa prej tyre edhe shqiptarë.
Grupi në fjalë akuzohen për trafikim heroine. Banda e përbërë nga italianë, shqiptarë dhe rumunë, operonte në Rogoredo, pranë Milanos.
Mes të arrestuarve janë persona të moshës 20 dhe 40 vjeç, shkruajnë mediat italiane.
Hetimet e kryera nga policia dhe të koordinuara nga Prokuroria Publike e Lombardisë, bënë të mundur identifikimin e të gjithë anëtarëve të bandës, veprimtaria e së cilës u zhvillua kryesisht në zonën e stacionit hekurudhor Milan Rogoredo.
Raportohet se të arrestuarit pritet të dalin para gjykatës, ku dhe do të jepet masa e sigurisë ndaj tyre.
